М.Саран 
Норвегийн баг тамирчид өвлийн олимпийн наадмаас хамгийн олон медалиа “Пёнчан 2018”-аас хүртээд байна. Тэд одоогоор 11 алт, есөн мөнгө, найман хүрэл, нийт 28 медальтай байгаа юм. Тэгвэл хоёрдугаарт 10 алт, 6 мөнгө, 4 хүрэл нийт 20 медальтайгаар Герман улс удаалж байна.
Өмнөх дээд амжилтаа тэд нутагтаа болсон “Лиллехаммер 1994” олимпод 10 алт, 11 мөнгө, таван хүрэл, нийт 26 медаль хүртсэнээр тогтоож байв. “Сочи 2014”-т норвегчүүд амжилттай оролцож 11 алт, таван мөнгө, 10 хүрэлтэйгээр алтан медалийнхаа тоог дээд амжилтад хүргэсэн бол энэ удаа амжилтаа эвдэх өндөр магадлалтай болжээ.
“Пёнчан 2018” өвлийн олимпийн наадам энэ сарын 25-нд өндөрлөнө.
