Өмнөд Солонгос улсын Самсунг группийн дэд ерөнхийлөгч И Че Юнг-ийн хэргийг шүүх 2 дахь удаагийн хурал өнөөдөр болж, түүнд 12 жил хоригдох ял оноож, долоон тэрбум 894 сая воны торгууль ноогдуулжээ.
Өмнөх удаагийн шүүх хурлаас түүнд мөн 12 жилийн хорих ял оноож байсан бөгөөд эдүгээ зөвхөн давж заалдах шатны хурал үлдсэн байна.
Шүүх бүрэлдэхүүн "Самсунг группийн дэд ерөнхийлөгч И Че Юнг нь экс ерөнхийлөгч Пак Гын Хе болон түүний дотны найз, бизнес эрхлэгч Чуй Сүн Шил нарын санаачилсан урлаг, спортыг дэмжих сайн дурын санд компанийн нэрийн өмнөөс 43 тэрбум 328 сая воныг хандивласан болон хандивлахаар амалсан. Ингэхдээ сайн дурын гэсэн нэрийн дор Чуй Сүн Шил болон түүний гэр бүлийнхэнд зориулж, гадаадад байгуулсан компанийн дансанд хууль бусаар их хэмжээний авилгалын шинжтэй мөнгө шилжүүлсэн нь илэрсэн.
Самсунг группийн дэд ерөнхийлөгч И Че Юнг нь экс ерөнхийлөгч Пак Гын Хе-гээр дамжуулж компанийнхаа үйл ажиллагаанд Засгийн газраас хувийн дэмжлэг авсан. Авилгалын хэргийг шалгах явцад түүний татвараас зайлсийлгэсэн орлого болон нуун дарагдуулсан мөнгө зэрэг илэрсэн юм" гэж мэдээлжээ.
Эх сурвалж: Erennews.mn
