ШУТИС-ийг

Боловсрол, шинжлэх ухааны яамнаас боловсролын цахим шилжилтийн талаар мэдээлэл хийлээ. Багш, эцэг эх, сурагчдад зориулсан апплейкшнтэй болжээ. Салбарын яамныхан улсын хэмжээнд хэдэн сургуульд хэчнээн хүүхэд суралцаж байгаа гэх мэдээллийг авах боломжтой. Харин эцэг, эхчүүдийн хувьд хүүхдийнхээ дүн, ирц, гэрийн даалгавар, хичээл орж буй багш нар зэргийг харах боломжтой. Багш нар сурагчдын ирц, дүнг бүртгэх боломжтой аж. Сурагчдын хувьд өөрсдийн мэдээллээс гадна хичээл, даалгаврын талаарх мэдээлэл авах  юм байна. 

Түүнчлэн энэ үеэр их, дээд сургуулиудад хийж буй шалгалтын талаар БШУ-ны дэд сайд Г.Ганбаяр мэдээлэл өгөв. Тэрбээр "Сошиалд 12 сургуулийн үйл ажиллагааг зогсоосон гэсэн мэдээлэл гарсан. Энэ бол ташаа мэдээлэл. Шалгаж байгаа сургууль бүрийг хааж, тусгай зөвшөөрлийг нь цуцална гэсэн ойлголт байхгүй. Хааж байгаа сургуулиуд  элсэгчгүй, багшгүй болсон юм. 

Өнгөрсөн 10 гаруй жилийн хугацаанд Багануур дүүрэгт оюутны хотхон байгуулах талаар ярьсан. Шинэ Засгийн газрын тооцооллоор Багануурт хотхон байгуулах боломжгүй гэж үзсэн. Ховд, Дорнод, Орхон, Дархан-Уул, Дорноговь зэрэг аймагт оюутны хотхон байгуулахаар Засгийн газраар удахгүй шийдвэрлүүлнэ. ХААИС-ийг  Дархан руу, ШУТИС-ийг "Эрдэнэт үйлдвэр"-т түшиглэн Эрдэнэт хот руу шилжүүлнэ. Мөн Ховд, Дорнодод боловсрол, эрүүл мэнд, нийгэм, говийн аймгууд руу уул уурхайн чиглэлийн сургуулиа шилжүүлэхээр ТЭЗҮ боловсруулж байгаа" гэлээ.