ХӨСҮТ-ийн Тандалт, судалгааны албаны дарга А.Амбасэлмаа
тусгаарлагдаж буй иргэдийн шинжилгээний хариу болон, эмчилгээний талаар мэдээлэл өглөө.
Тэрбээр "Наймдугаар сарын 12-ны өдөр улсын хэмжээнд нийт 487 хүнд шинжилгээ хийхэд 483 хүнд коронавирус илрээгүй, дөрвөн хүний шинжилгээнд коронавирус илэрлээ.
Энэ дөрвөн хүн нь наймдугаар сарын 11-ний өдөр Прага-Улаанбаатарын онгоцоор ирсэн 73, 20 настай эмэгтэй байна.
Мөн Алтанбулагийн хилээр ойрын өдрүүдэд бид иргэдээ татан оруулсан. Тэдгээр иргэдээс Орхон болон Дархан-Уул аймагт тусгаарлагдаж байсан 24 настай эрэгтэй, 65 настай эмэгтэй ОХУ-ын иргэнээс коронавирусийн халдвар илэрлээ.
Өнөөдрийн байдлаар манай улсад зөөвөрлөгдөн орж ирсэн коронавирусийн 297 тохиолдол батлагдлаа. Үүнээс 269 нь эдгэрсэн байна.
Өчигдөр хийгдсэн коронавирус илрээгүй шинжилгээнд,
Долдугаар сарын 29-нд Сөүл-Улаанбаатарын онгоцоор ирсэн 165 хүний давтан шинжилгээ,
Долдугаар сарын 30-нд Сидней-Улаанбаатарын онгоцоор ирсэн 165 хүний давтан шинжилгээ,
Тусгаарлах, ажиглах байранд байсан 23 хүний давтан шинжилгээ,
Тандалтын зорилгоор цуглуулсан найман хүний сорьц,
Дорноговь аймагт тусгаарлагдсан дөрвөн хүний давтан шинжилгээ,
Дархан-Уул аймгийн нэгдсэн эмнэлэгт тусгаарлагдсан хоёр хүний давтан шинжилгээ,
Алтанбулагийн боомтоор орж ирсэн 16 жолоочийн шинжилгээ багтаж байна” гэв.
