ОХУ-д бүртгэгдсэн коронавирусийн халдварын тохиолдлуудын 20 гаруй хувиас нь ямар нэг шинж тэмдэг илрээгүй бол 14 хувь нь хүнд хэлбэрээр өвчилснийг тус улсын холбогдох албаныхан мэдэгджээ.
“Өнөөдрийн байдлаар бидний оношилсон нийт өвчтөнүүдийн нэлээд хэсгээс ямар нэг шинж тэмдэг илрэхгүй байна. Тодруулбал халдвартай нь тогтоогдсон нийт хүмүүсийн 20 гаруй хувиас өвчний ямар ч шинж тэмдэг илрэхгүй байгаа бол зөвхөн 14 хувиас нь халуурах, ханиалгах, амьсгал боогдох зэрэг шинжүүд хурц хэлбэрээр илэрч байна” гэж тэр мэдэгдсэн юм.
Лхагва гарагийн байдлаар ОХУ-ын 75 бүс нутагт нийт 2777 халдварын тохиолдол бүртгэгджээ. Сүүлийн 24 цагийн хугацаанд 440 шинэ тохиолдол илэрсэн байна.
Өнгөрсөн хугацаанд тэдгээрээс 24 нь нас барж, 190 нь бүрэн эдгэрчээ.
Илэрсэн халдварын тоогоор Москва хот орчим 267 тохиолдолтой тэргүүлж байна.
