Хөгц, мөөгөнцөр илэрсэн таргийг устгуулж, татан авалт хийлгэжээ

НМХГ-ын шуурхай албанд ирүүлсэн гомдол мэдээллийн дагуу Баянзүрх дүүргийн 14-р хорооны Номин тав трейд ХХК-ний "Номин all mart" дэлгүүрт хяналт шалгалт хийлээ. Шалгалтаар "Номин all mart" дэлгүүрээс гомдол гаргагчийн өгсөн йогурттай ижил огноотой тарагнаас дээж авч НМХГ-ын төв лабораторит шинжлүүлэхэд хөгц мөөгөнцөр илэрсэн.

 Зөрчлийн хэрэг нээж Номин тав трейд ХХК-д торгуулийн арга хэмжээ авч, үлдэгдэл таргийг устгуулж, импортлогч Галт суман мөндөр ХХК-ний дэлгүүрүүдэд түгээсэн таргийг татан авалт хийлгэж  устгуулжээ.