Тавдугаар сарын 27-ноос зургаадугаар сарын 03-ныг хүртэлх 7 хоногийн цаг агаарын урьдчилсан мэдээ

Цаг уур, орчны шинжилгээний газраас гаргасан 2019 оны тавдугаар сарын 27-ноос зургаадугаар сарын 03-ныг хүртэлх 7 хоногийн цаг агаарын урьдчилсан төлөвийг та бүхэнд хүргэж байна. 

-  Хугацааны эхэн болон сүүлээр сэрүүснэ -

Баруун аймгуудын нутгаар: Тавдугаар сарын 28, зургаадугаар сарын 1-нд зарим газраар, 29, 30-нд нутгийн өмнөд, 31, 2-нд нутгийн хойд хэсгээр бороо, уулархаг нутгаар нойтон цас орно. Салхи 28, 1, 2-нд зарим газраар, 31-нд Алтайн салбар уулсаар секундэд 14-16 метр хүрч шороон шуурга шуурна. Хугацааны эхэн болон сүүлээр сэрүүсч Алтай, Хангайн уулархаг нутгаар шөнөдөө 4 хэм хүйтнээс 1 хэм дулаан, өдөртөө 10-15 хэм, Алтайн өвөр говиор шөнөдөө 9-14 хэм, өдөртөө 21-26 хэм, бусад нутгаар шөнөдөө 2-7 хэм, өдөртөө 15-20 хэм дулаан байна. Хугацааны дунд үеэр Алтай, Хангайн уулархаг нутгаар шөнөдөө 0-5 хэм, өдөртөө 14-19 хэм, Алтайн өвөр говиор шөнөдөө 7-12 хэм, өдөртөө 19-24 хэм, бусад нутгаар шөнөдөө 4-9 хэм, өдөртөө 19-24 хэм дулаан байна.

Төвийн аймгуудын нутгаар: Тавдугаар сарын 28, зургаадугаар сарын 1-нд нутгийн хойд хэсгээр, 29, 2-нд зарим газраар бороо, уулархаг нутгаар нойтон цас орно. Салхи 28, 1-нд зарим газраар секундэд 13-15 метр хүрч зөөлөн шороон шуурга шуурна. Хугацааны эхэн болон сүүлээр сэрүүсч Дархадын хотгор, Хангай, Хөвсгөлийн уулархаг нутгаар, Тэрэлж голын хөндийгөөр шөнөдөө 2 хэм хүйтнээс 3 хэм дулаан, өдөртөө 8-13 хэм, бусад нутгаар шөнөдөө 3-8 хэм, өдөртөө 15-20 хэм дулаан байна. Хугацааны дунд үеэр Дархадын хотгор, Хангай, Хөвсгөлийн уулархаг нутгаар шөнөдөө 1 хэм хүйтнээс 4 хэм дулаан, өдөртөө 14-19 хэм дулаан, бусад нутгаар шөнөдөө 5-10 хэм, өдөртөө 20-25 хэм дулаан байна.

Зүүн аймгуудын нутгаар: Тавдугаар сарын 29-нд нутгийн хойд, 30-нд нутгийн зүүн хэсгээр, 2-нд зарим газраар бороо, уулархаг нутгаар нойтон цас орно. Салхи 28, 29, 1-нд зарим газраар секундэд 14-16 метр хүртэл ширүүсч шороон шуурга шуурна. Агаарын температур 29, 30, 2-нд сэрүүсч шөнөдөө 1-6 хэм, өдөртөө 14-19 хэм, бусад хугацаанд дулаарч шөнөдөө 5-10 хэм, өдөртөө 21-26 хэм дулаан байна.

Говийн аймгуудын нутгаар: Тавдугаар сарын 30-нд нутгийн өмнөд хэсгээр бороо орно. Салхи 28, 29, 1, 2-нд зарим газраар секундэд 14-16 метр хүртэл ширүүсч шороон шуурга шуурна. Агаарын температур 29, 30-нд сэрүүсч шөнөдөө 3-8 хэм, өдөртөө 17-22 хэм, бусад хугацаанд дулаарч шөнөдөө 8-13 хэм, өдөртөө 23-28 хэм дулаан байна.

Эх сурвалж: Цаг Уур Орчны Шинжилгээний Газар