Н.Марал 
2019 оны хоёрдугаар сарын 11-15-ны өдрүүдэд Тээврийн цагдаагийн алба нийт 960 дуудлага хүлээн авснаас зам тээврийн ослын шинжтэй 698 дуудлага мэдээллийг хүлээн авч, шалгаж шийдвэрлэжээ.
Нийт бүртгэгдсэн осол, хэргийн улмаас нийслэлд 32 хүн гэмтэж бэртэн, орон нутагт 1 хүний амь нас хохирсон зам тээврийн ослууд бүртгэгдсэнийг харьяа аймгууд дахь Цагдаагийн газарт шалгаж байна.
Сургууль, цэцэрлэгийн хичээл эхэлснээс хойш нийт 12 хүүхэд зам тээврийн осолд өртсөний 11 нь явган зорчигч хэлбэрээр хөдөлгөөнд оролцож байх үедээ осолд өртжээ. Тэр дундаа дийлэнх хувь нь 0-14 хүртэлх насны буюу харгалзах хүнгүйгээр бие даан замын хөдөлгөөнд оролцохыг хориглосон насны хүүхдүүд.
Зам тээврийн ослуудаас дурдвал:
- Дорноговь аймгийн Эрдэнэ сумын нутаг “Хөх хад” гэх газар шороон замд улсын дугааргшй мотоцикль онхолдож, жолооч 39 настай эрэгтэй М-н амь нас хохирсон,
- СХД-ийн нутаг Их нарангийн замд H.Aerocity маркийн автобусны жолооч нь явган зорчигч 5 настай Д, 7 настай Т нарын 2 хүүхдийг мөргөж гэмтээсэн зэрэг зам тээврийн ослуудыг шалгаж байна.
- Мөн зам тээврийн ослын 20 нь явган зорчигч мөргөж гэмтээсэн, 27 нь мөргөлдөх хэлбэрээр, 5 нь үл хөдлөх зүйл мөргөх хэлбэрээр үйлдэгджээ.
Алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 207 жолоочийг илрүүлэн хуулийн дагуу хариуцлага тооцож, 38 жолоочийг шүүхээр баривчилсанбайна.
Гарсан зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 18 хувиар, зам тээврийн ослын шинжтэй дуудлага 17 хувиар буурсан боловч гэмтсэн хүний тоо 68 хувиар өсжээ.
Эх сурвалж: Тээврийн цагдаагийн алба