Н.Марал 
Жижиг, дунд үйлдвэрийг хөгжүүлэх сангаас өөрийн хувь эзэмшдэг компаниудаараа зээл авсан төр, улстөрийн албан тушаалтнуудыг огцруулж хуулийн зохих хариуцлага хүлээлгэхийг олон нийтийн зүгээс шаардсаар байгаа билээ.
Тэгвэл Ерөнхий сайд ЖДҮХС-тай холбогдсон хүмүүст хариуцлага тооцсоныг Засгийн газрын Хэвлэл мэдээлэл олон нийттэй харилцах албаны дарга Ц.Ганзориг өөрийн сошиал хуудсаараа дамжуулан мэдээллээ.
ЖДҮХС-гаас зээл авсан: доорх нэр бүхий албан тушаалтнууд ажлаа өгч байгаа юм байна.
1. Ш.ЛХАМСҮРЭН БХБ-ын дэд сайд
2. Ц.НЯМ-ОСОР ТӨБЗГ-ын дарга
3. Д.БАЯРСАЙХАН УБЦТС ТӨХК-ийн гүйцэтгэх захирал
4. Ц.АМАРСАНАА "Барилгын хөгжлийн төв" ТӨҮГ-ын захирал
Харин УИХ-ын гишүүдэд хариуцлага тооцох нь хуулиараа УИХ-ын бүрэн эрхийн асуудал бөгөөд хууль зөрчсөн эсэхийг зөвхөн хууль, шүүхийн байгууллага л эцэслэнэ хэмээн тэрээр бичжээ.