Н.Марал 
Эрхүүгийн Улсын их сургуулийн 100 жилийн ойд зориулсан Хүндэтгэлийн арга хэмжээ 2018 оны 11 дүгээр сарын 01-ний өдөр Москвагийн үндэстнүүдийн ордонд болов. Москва дахь Эрхүү мужийн нутгийн зөвлөл, Эрхүүгийн Улсын их сургууль хамтран зохион байгуулсан уг арга хэмжээнд Монгол Улсаас ОХУ-д суугаа Элчин сайдын яамны төлөөлөл болон Нэгдүгээр нарийн бичгийн дарга Ж.Баярхүү оролцов.
Хүндэтгэлийн арга хэмжээний хүрээнд Эрхүүгийн Улсын их сургуулийн удирдлага, тус сургуулийг төгссөн болон ажиллаж байсан Оросын шинжлэх ухаан, боловсролын салбарын тэргүүлэх эрдэмтэд оролцсон дугуй ширээний ярилцлага, төгсөгчдийн хүндэтгэлийн хурал тус тус болж дараа нь хүндэтгэлийн концерт тоглов.
Дугуй ширээний ярилцлага болон Хүндэтгэлийн хурлыг нээж Эрхүүгийн их сургуулийн ректор, Оросын шинжлэх ухааны академийн академич И.В.Бычков хэлсэн үгэндээ тус сургууль Монголын мянга мянган боловсон хүчинг бэлтгэж ирсэн гэдгийг тэмдэглээд энэхүү арга хэмжээнд өндөр ач холбогдол өгч, төлөөллөө оролцуулж буйд Монгол Улсаас ОХУ-д суугаа Онц бөгөөд Бүрэн эрхт Элчин сайд Б.Дэлгэрмаа, түүнчлэн ЭСЯ-ны хамт олонд талархал илэрхийлэв
Эх сурвалж: ГХЯ