Бэлгийн боловсролын тухай залуус тэр бүр нээлттэй ярилцдаггүй. Энэ талаар мэдээллийг хаанаас олж авах, мэдээллийг олж авч буй суваг нь баталгаатай байж чадаж байна уу гэсэн олон олон асуудлууд байдаг нь энэ сэдвээр чөлөөтэй, нээлттэй ярилцаж энэ талын мэргэжилтнүүдээс үнэн зөв мэдээлэл авах хэрэгцээ шаардлага байгааг харуулж байна. 

Тэгвэл НҮБ-ын Залуучуудын зөвлөх хороо 10 жилийнхээ ойн хүрээнд НҮБ-ын Хүн Амын Сантай хамтран  энэ сарын 4-ий өдөр Бэлгийн цогц боловсролын чухал асуудлуудыг багтаасан “Амьдралын боловсрол” сэвэвт уулзалт, хэлэлцүүлгийг зохион байгуулах гэж байна. Тус үйл ажиллагаагаар залуучуудад үнэн зөв ойлголт өгч ,залуусын санал дуу хоолойг сонсож илүү бүтээлч, нээлттэй, залуучуудын сонирхлыг татахуйц, оролцоог хангахуйц байдлаар тулгамдсан асуудлыг авч хэлэлцэх юм байна.  

“Нэгдсэн Үндэстний Байгууллага дээр зөвлөлдье” нь НҮБ-ын Залуучуудын Зөвлөх Хорооны 10 жилийн ойн хүрээнд санаачилсан НҮБ-ын агентлагууд, төрийн болон төрийн бус байгууллагын төлөөллүүд, салбарын мэргэжилтнүүд болон залуучууд хоорондын өнөө үед тулгамдаж буй асуудлыг хэлэлцэх, сонсох зорилго бүхий улиралд нэг удаа зохион байгуулагдах панел хэлэлцүүлэг болон оролцоо хослуулсан арга хэмжээ юм. Энэхүү арга хэмжээгээр бид залуучуудад сонгосон сэдвийн хүрээнд олон талт мэдээлэл өгч, тэднийг оролцуулж, сонсож, шийдлийг өөрсдөөсөө эхлэхэд нь бодит эх сурвалжаар дамжуулан зөвлөж, мөн НҮБ-ын хэрэгжүүлж буй төсөл хөтөлбөрүүдтэй ойр мэдээлэлтэй байлгах зорилготой юм.

Хаана: НҮБ-ын байр, 3-р давхрын хурлын танхим

Хамрах хүрээ: 18-34 насны 100 гаруй залуучууд

Хэзээ: 2018 оны 10 дугаар сарын 4-нд 9:00 цагаас

Үргэлжлэх хугацаа: 4 цаг

Хэрэв та бүртгүүлэхийг хүсвэл доорх холбоосоор бүртгүүлнэ үү. https://goo.gl/oW6rea

Холбоо барихыг хүсвэл: 9435-4963, 9948-9022

Эвент линк: https://www.facebook.com/events/243465719846209/