Хүний эрхийг хамгаалагчдын баярт оролцохыг урьж байна

Амралтын өдрийг гэр бүлтэйгээ эсвэл найзуудтайгаа ухаарал болон, үр бүтээлтэй, хөгжилтэй өнгөрөөхийг хүссэн ч яг яаж гэдгээ мэдэхгүй байна уу? Тэгвэл бид та бүхнийг Хүний эрхийг хамгаалагчдын баярт оролцохыг урьж байна. 

ДемоКрейзи залуусын төвөөс зорилго, үнэт зүйлсээрээ нэгдсэн, хүний эрхийн чиглэлээр үйл ажиллагаа явуулдаг төрийн бус байгууллага, залуусын бүлгүүдтэй хамтран Хүний эрхийг хамгаалагчдын баяр болох ДемоКрейзи Карнавалыг 6 дахь жилдээ зохион байгуулах гэж байна.

Олон талт төлөөллийн залуучууд өөрсдийн мессэж үгсээ даавуу, цаасан дээр урлаж, үзэл бодол, үнэт зүйлсээ бүтээлч, шинэлэг, сонирхол татахуйц байдлаар илэрхийлдэг онцлогтой энэ баярыг “Өөр өөрийн өнгөөр гэрэлтье” уриан дор энэ жил зохион байгуулж байна. Энэ уриан дор бусдын ялгаатай байдалд хүндэтгэлтэй хандаж, ялгаварлан гадуурхалтын эсрэг байхыг уриалж байгаа юм. Түүнчлэн хүний эрхийн талаарх ойлголтыг олон нийтэд таниулах, үе тэнгийн дарамт, дээрэлхэлтийн эсрэг залуус хамтдаа нэгдэж, “Хүний эрхийг хамгаалагчдын баярыг” тэмдэглэнэ. 

Энэ арга хэмжээ маань үнэ төлбөргүй ба та бүхэн нэг өдрийг өөдрөг, эрч хүчтэй, ардчилалд хайртай залуустай хамт хөгжилдөж өнгөрөөхөөс гадна залуу уран бүтээлчдийн тоглолт, өнөөгийн нийгэмд тулгамдсан асуудлыг хөндөж үзүүлсэн жүжиг, бусад үзүүлбэрүүдийг сонирхох боломжтой. Үүгээр ч зогсохгүй 13 төрлийн өртөөгөөр аялж сонирхолтой аргаар шийдэлд хүрцгээхийг уриалж байна.

Хэрэв та өөрийн дуу хоолойгоо хүргэх, нийгэмдээ бага ч болов эерэг өөрчлөлт оруулахад гар бие ололцохыг хүсдэг бол бидэнтэй заавал нэгдээрэй!

Залуус өөрсдийн санаачлагаар зохион байгуулж байгаа учир мэдээж дахин давтагдашгүй өнгө аястай, өнгөлөг цоглог, тогтсон хэв маягт баригдаагүй, шинэлэг бүхэн таныг хүлээж байна. Бид бүгд баяртайгаар инээмсэглэн хүлээж авах болно!

Бидэнтэй холбоо барихыг хүсвэл:

99859152, 86693141 [email protected]

Үйл ажиллагааны мэдээллийг: https://www.facebook.com/events/288127675342709/