НӨАТ-ын хоёрдугаар улирлын уцаан олголтыг энэ сарын 28 буюу баасан гарагаас эхлэн иргэдийн дансанд шилжүүлж эхлэхээр болжээ.
Буцаан олголтын нэгтгэл эхлээд Татварын ерөнхий газарт очдог. Улмаар сарын эхний 10 хоногт багтаад Сангийн яам руу шилжүүлдэг байна. Харин Сангийн яам ажлын 20 хоногт буюу тухайн сардаа багтаан иргэдийн данс руу шилжүүлдэг журамтай.
Тэгвэл хоёрдугаар улирлын буцаан олголтын нэгтгэсэн мэдээлэл одоо Сангийн яаманд очсон бөгөөд энэ баасан гарагаас эхлэн иргэдийн данс руу шилжүүлэхээр болжээ.
Нэмэлт мэдээлэл өгөхөд, энэ удаагаас эхлээд иргэд НӨАТ-ын буцаан олголтоороо таван төрлийн албан татвараа төлөх боломжтой. Ингэхдээ Ebarimt аппликейшнийг ашиглах юм.
