16 настай хүүхдүүд орцны гадна байршуулсан машиныг хулгайлж, ууланд аваачиж орхисон хэрэг гарчээ. Тодруулбал, Цагдаагийн байгууллагад 2023 оны гуравдугаар сарын 27-ны өдөр Нийслэлийн Сонгинохайрхан дүүргийн нутаг дэвсгэрт “Орцны гадна байрлуулсан тээврийн хэрэгсэл хулгайд алдагдсан” гэх дуудлага, мэдээлэл ирсэн байна. Иймд дүүргийн цагдаагийн газрын Гуравдугаар хэлтсээс мөрдөн шалгах ажиллагааг шуурхай зохион байгуулж алдагдсан тээврийн хэрэгслийг эрэн сурвалжилсан бөгөөд тус дүүргийн нутаг дэвсгэрт байрлах ууланд үлдээсэн байсныг олж тогтоон илрүүлсэн байна. Хэргийг 16 настай эрэгтэй “Т” болон “Н” нар үйлдсэнийг олж тогтоон мөрдөн шалгах ажиллагааг үргэлжлүүлж байгаа юм.
