Нийслэлийн Хан-Уул дүүргийн 4-р хороо Наадамчны гудамжинд машин худалдааны газарт гал гарч байна гэсэн дуудлагыг /2022.12.21/ 08:04 цагт ирүүлсэн.
Дуудлагын дагуу Хан-Уул дүүргийн Онцгой байдлын хэлтсийн Гал түймэр унтраах, аврах 14, 30 дугаар ангийн бүрэлдэхүүнийг очиход 43х33 хэмжээтэй байшингийн дээврийн баруун урд хэсэг шатаж байсан.
Алба хаагчид шуурхай ажиллаж 08:30 цагт гал түймрийн тархалтыг зогсоож, 09:10 цагт бүрэн унтраажээ.
Эх сурвалж: Нийслэлийн Онцгой байдлын газар
