М.Саран 
Өнөөдөр зуны эхэн сарын шинийн 15. Бурхан багш эхийн хэвлийгээс мэндэлсэн, гэгээрлийн хутгийг олсон, нирваан дүрийг үзүүлсэн гурван том үйл энэ өдөр давхцан тохиодог тул “Их дүйчэн” хэмээн тодотгодог. НҮБ-ын Ерөнхий Ассемблейгаас тунхагласны дагуу жил бүрийн энэ өдрийг дэлхийн бурхан шашинтай улс орнууд тэмдэглэсээр байна.
Өнгөрсөн ням гарагт их дүйчэн өдрийг угтсан ёслолын жагсаал, бясалгалын флаш моб, хүрээ цамын үзүүлбэр, урлагийн тоглолт Сүхбаатарын талбайд болсон. Өнөөдөр их дүйчэн өдрийн шашин номын зан үйл, тахил өргөлийн ёслол Гандантэгчинлэн хийдэд болно. Их дүйчэн өдрийг энэ жил “Ёс суртахуунаа эрхэмлэе” уриан дор тэмдэглэж байгаа юм.
Гандантэгчинлэн хийдийн Хэвлэл мэдээллийн албаны дарга н.Одгарьд ярианд анхаарлаа хандуулна уу.
Их дүйчэн өдрийн шашин номын зан үйл энэ цаг мөчид эхэлсэн байна. Үдэш 21:00 цаг хүртэл үргэлжлэх юм.
Эх сурвалж: МҮОНР-ийн "Хурд" агентлаг