Узбекистан Улсын нийслэл Ташкент хотноо хүндийг өргөлтийн 86 дахь удаагийн ДАШТ үргэлжилж байгаа бөгөөд өнөөдөр Монгол Улсын гавьяат тамирчин М.Анхцэцэг дэвжээнд гарна.
Тус тэмцээнд 74 орны 432 туйванч 20 цогц медалийн төлөө хүч үзэж байгаа билээ.
ДАШТ-ий хошой хүрэл медальт (огцом өргөлтөөр) М.Анхцэцэгийн хувьд 87 кг-ын жинд өрсөлдөж байгаа бөгөөд өнөөдөр “А” хэсгийг манлайлан гарна.
Энэ хэсэгт 11 тамирчин байгаа агаад манай улсын тамирчин захиалгаа 255 кг-аар өгсөн нь өрсөлдөгчдөөсөө хамгийн өндөр үзүүлэлт боллоо.
