Албан тушаалаа урвуулан ашиглаж бусдаас мөнгө авсан цагдаагийн дөрвөн албан хаагчийг Авлигатай тэмцэх газарт шалгаж эхэлсэн байна. Уг хэрэгт холбогдсон цагдаа нь ахлах мөрдөгч Б, А, О, Б нар байсныг илрүүлжээ. Хэргийг Авлигатай тэмцэх газарт шилжүүлснийг цагдаагийн эх сурвалж мэдээлэв. Тодруулбал, ахлах мөрдөгч Б нь эрүүгийн хэрэгт нэр нь холбогдон шалгагдаж байсан этгээдээс мөнгө авсан нь, албан хаагч О нь эрүүлжүүлэгдсэн иргэдийн ар гэрээс мөнгө авч, хувьдаа завшсан нь, албан хаагч Э, Б нар нь архи, согтууруулах ундаа нийтэд худалдаалахыг хориглосон өдрүүдэд найман нэрийн барааны дэлгүүрүүдэд шалгалт хийж торгууль нэрээр мөнгө авч, хувьдаа завшсан байжээ.
