Тээврийн хэрэгслээс үүдэлтэй агаарын бохирдлыг бууруулна

Тээврийн хэрэгслээс үүдэлтэй агаарын бохирдлыг бууруулахад төрийн байгууллагуудын хамтын ажиллагааны зөвлөлдөх уулзалтыг цахимаар хийсэн юм. 

Цахим зөвлөлдөх уулзалтын үеэр Улаанбаатар хотын замын хөдөлгөөнд оролцож байгаа утаа ихтэй нийтийн тээврийн хэрэгсэлд тавих хяналтыг нэмэгдүүлэх, уулзваруудын нэвтрэх чадварыг сайжруулах замаар түгжрэлийг бууруулах, импортоор орж буй шатахууны  чанар стандартад төрөөс тавигдаж буй хяналт салбарууд үр дүнтэй хамтарч ажиллах боломжийн талаар ярилцсан.

Энэхүү зөвлөлдөх уулзалтыг ОББҮХ-ны Нарийн бичгийн дарга бөгөөд, Ажлын  албаны дарга Б.Алтанзул нээж, Агаарын бохирдолд тээврийн хэрэгслээс үүдэлтэй эх үүсвэрийн эзлэх хувь хэмжээ өөрчлөлтийн талаар Нийслэлийн ЗД-ын орлогч, Агаар орчны бохирдлын  асуудал хариуцсан  төслүүдийн удирдагч З.Төмөртөмөө мэдээлэл хийлээ.

Цаашид насжилт өндөртэй автомашины тоон үзүүлэлтийг гаргаж, нийслэийн замын хөдөлгөөнийг хяналтандаа авах, зарим зам зогсоолыг төлбөртэй болгож цагийн хязгаарлатад  оруулж , зогсоолын нэгдсэн системийг ашиглах  талаар  ярилцсан юм.

Мөн “Евро-5 /К5/ стандартын шатахууны хэрэглээг дэмжсэн эрх зүйн орчныг  бүрдүүлэх, татварын бодлогоор дэмжих боломжийн талаар УУХҮЯ-ны ахлах шинжээч Д.Даваабаяр, Автобензин дизелийн түлшинд мөрдөж буй стандартын өнөөгийн нөхцөл байдал, автомашинаас ялгарах утаанд үзүүлэх нөлөөллийн талаар АМГТГ-ын шинжээч Д.Дагвасүрэн болон мэргэжлийн төлөөллүүд оролцож мэдээлэл туршлагаа солилцож тээврийн хэрэгслээс үүдэлтэй агаарын бохирдлыг бууруулах хамтын ажиллагааны шийдэл гаргахаар боллоо.

Эх сурвалж: БОАЖЯ