Баянзүрх дүүргийн 14 дүгээр хорооны нутагт орших “Шөнийн зах” буюу “Night plaza” худалдааны төвд байрлах ХААН банкинд өчигдөр 19:20 цагийн орчимд галт зэвсэгтэй гурван этгээд дайран оржээ.
Хэргийн талаар мэдээлэл авсан цагдаагийнхан уг төв орчмыг яаралтай хамгаалалтад авч, хэргийн газарт шалгалт хийсэн байна. Хэргийн газарт цагдаагийнхнаас гадна тусгайгийнхан ажиллажээ.
Банкинд зэвсэглэсэн этгээдүүд халдсан ч хүний амь нас эрсдээгүй, мөнгө дээрэмдээгүй гэдгийг цагдаагийнхан хэлж байгаа.
