Тул загас тээвэрлэж явсныг илрүүлжээ

Хөвсгөл аймгийн харьяат иргэн Н “Ховор амьтан”-ы жагсаалтад орсон тул загас гурван ширхэг, халиун бугын эд эрхтэн болох чив таван ширхгийг тээвэрлэж явсныг өнөөдөр өглөө Сонгинохайрхан дүүргийн нутаг дэвсгэр дэх Эмээлтийн шалган нэвтрүүлэх цэгт үүрэг гүйцэтгэж байсан Нийтийн хэв журам хамгаалах, олон нийтийн аюулгүй байдлыг хангах албаны Хүрээлэн буй орчны хяналтын хэлтсийн алба хаагчид илрүүлжээ. Тул загас болон бугын чивийг хураан авч Мөрдөн байцаах албаны Хүрээлэн буй орчны эсрэг гэмт хэрэг мөрдөн шалгах хэлтэст шалгуулахаар өгсөн байна.