Хойд Солонгосын цөмийн туршилтаас болж усанд цацраг идэвхт эрсдэл үүсч болзошгүйг анхаарууллаа

Хойд Солонгосын олон зуун мянган иргэн цацраг идэвхт бодис усанд хордож болзошгүй гэж Сөүл хотод төвтэй төрийн бус байгууллага мэдэгдлээ хэмээн ВВС мэдээллээ. Энэ нь Хятад, Өмнөд Солонгос, Японы хүмүүст бас эрсдэлтэй гэж Шилжилтийн үеийн шударга ёсны ажлын хэсэг мэдэгдэв.

БНАСАУ-ын цөмийн гол цэг болох НПунггие-ригийн ойролцоо амьдарч байсан дүрвэгчдэд цацрагийн хордлогын туршилт хийхийг тус бүлэглэл Өмнөд Солонгосоос шаарджээ. Учир нь тэд 540,000 орчим оршин суугч эрсдэлд орж болзошгүй гэж тооцоолж байна.

Өмнөд Солонгос, Хойд Солонгос, АНУ, Их Британи, Канадын идэвхтэн, судлаачдын бүрэлдэхүүнтэйгээр 2014 онд Сөүл хотод байгуулагдсан тус бүлэг хамгийн сүүлийн тайландаа олон нийтэд нээлттэй мэдээлэл болон нээлттэй эх сурвалжийн тагнуулын мэдээлэлд дүн шинжилгээ хийжээ.

BBC-ийн цөмийн шинжээчид цөмийн бохирдол байж болзошгүй гэдэгтэй дийлэнх нь санал нийлж байгаа боловч түүний цар хүрээг тодорхойлоход хэцүү байх болно гэж мэдэгджээ. Цөмийн цацраг нь амьд эсийг хэсэгчлэн эсвэл бүрмөсөн гэмтээж, заримдаа хорт хавдар үүсгэдэг. Ихэнх хорт бодисын нэгэн адил цацраг идэвхт бодистой холбоотой эрсдэл нь өртөлтийн хэмжээнээс хамаардаг.

Хойд Солонгос хамгийн сүүлд 2017 онд цөмийн бөмбөг туршсан нь Пунгги-рид хийсэн зургаан туршилтаас хамгийн хүчтэй нь юм. Солонгосыг нэгтгэхийг дэмжигч Өмнөд Солонгосын гүйцэтгэх газар болох Нэгдлийн яам 2019 онд дүрвэгчдийг цацраг туяанд өртөх эсэхийг шалгахаа зогсоосон. 2017, 2018 онд шинжилгээнд хамрагдсан 40 дүрвэгчийн 9 нь удамшлын эмгэгийн "санаа зовоосон түвшинд" байгааг харуулсан гэж тус бүлэг тайландаа дурджээ. TJWG эдгээрийг цацрагийн өртөлттэй шууд холбоогүй ч илүү их гажиг илэрсэн хүмүүст цацрагийн тун өндөр байгааг тэмдэглэжээ. Хэрэв Хойд Солонгосоос дүрвэсэн иргэд эрүүл мэндийн асуудлаа мэдэгдэж, эмнэлгийн тусламж авах хүсэлт гаргавал эдгээр шинжилгээг сэргээх талаар авч үзэх болно гэж Өмнөд Солонгосын яам мэдэгдэв. Ялангуяа хүмүүсийн гүний ус хэрэглэх хандлага нэмэгдэж байгааг харгалзан TJWG цацраг идэвхт бодисыг гүний ус руу алдаж байгаа нь онцгой анхаарал татаж байна.

БНАСАУ-ын 2008 оны хүн амын тооллогын мэдээллээс харахад Пунггие-ри байрладаг Хойд Хамгёнг мужийн хамгийн хойд хэсгийн айл өрхийн зургаагийн нэг нь гүний усыг ундны болон хөдөө аж ахуйн ус болгон ашигладаг байна. Энэ хувь хэмжээ нь улс орон даяар эрчим хүчний архаг хомсдолд орсны улмаас өссөн байх магадлалтай аж.